سؤال للرجال مفيد للمقبلين على الزواج

السلام عليكم



السؤال كالتالي:

ليش الرجل يتغير بعد الزواج

ترى الشغله مب رومنسيه وماادري ايش لا
طبعا مب كلهم بس والله في مجتمعنا يكاد يكون منتشر بشكل فادح

المهم ليش الرجل قبل الزواج يكون عنده مبادئ ومن يتزوج يسحب على كل المبادئ


ارجع و اقول مو كلهم

مثلا
رجل كان لما يطلع اخته كان لازم ماتنزل معه الا بالحجاب الكامل وماتتبرج اما اذا تزوج عادي

اختي ماتجلس على النت الا بمراقبه
الزوجه عادي
للمعلوميه ترى زوجي يراقب كل شي ايميلي وتلفوني مو شكا فيني لا والله بس كل رجال مسؤل عن رعيته

من جد لااحد يزعل

اول كان اذا دخل من الدوام ومالقي غداه جاهز يفلع الموجودين خصوصا الاخوات طبعا

اما لو تزوج عادي ماطبختي نجيب من المطعم

والله اخوي كان لما يدخل مايلقى كبسه والله يقلب يومنا
ولا يكلمنا وصرااااااخ انا اريد اكل حاااااااااااااار

اما يوم تزوج كل يوم والله بشهادة الموجودين طبعا اخواتي المراسلات لنا المتزوجات

والله انه كل يوم يدخل بالاكل معه من برا

اول شي كانت عروس بعد شهر حامل طيب ترى الحمل سنه الا كم شهر


كل هالفتره ماراح تطبخ


نجي عند اللبس ياويل الام والاخوات لو يتسبح مايلقى ملابسه جاهزه
والثوب مب مكوي

بعد الزواج عادي نودي كواي ولا انثبر انتظر لين تخلص المدام الكوي

صراحه الموضوع قاهرني خصوصا ان اخوي تزوج وجالسه اشوف بعيني

يمكن احد يقول انتي تتطبقين الكلا هاذا

بقولكم ايه مو لاني سنعه لا لن وراي رجال لو مايجي يلقى كل شي جاهز يمسح بي البلاط
انا ماالومه الواحد ليش متزوج ودافع ومتسلف
مو عشان يرتاح يااخي من ابسط حقوقك تلقى البيت مرتب والكوي مكوي والطبخ مطبوخ اصلا وش شغلة المرأه
ياشباب الي تزوج وحرمته كذا الحق على نفسك لنها لو تعودت
مش بوزك تنعدل

اما الي ماتزوج فيحط بباله لايصير مصيره مثل اخوي<<خخخخ

المهم والله المرأه تحترم الرجال الي له هيبه وله مبادئ
انا محدثتكم لو زوجي يرخي لي الحبل والله اني اهمل بس هو ماشاء الله ماقد رخاه بالعكس في الامور هاذي منتهين


واسفه على الاسلوب وترى والله الشباب من طيبته يسوي كذا وحبه بس ترى هالحب يخرب ماينفع


وشكرا لحسن الاستماع

انتظر ردودكم

مشكووووووووور